VioSay

Oma..oma... ini hari oma so nda ada so nda bisa sama2 deng torang, ja ba lota2, ja baku gara

kita sampe skarng nda sangka kalo oma so nda ada

oma ini memang bukang torang pe sodara atw kerabat dekat mar lantaran so stiap hari baku2 dapa baku2 haga jadi so baku tau no so rupa sudara sandri. kadang-kadang kalo da masalah entah itu ada masalah karna nda dpa jawab ujian, maslah percintaan, smpai msalah gosip2 torang ja ba cerita deng oma

stiap pagi kalo suka makan nasi kuning cari jo pa oma

oma pe naskun nda ada tandinganya di uk

kalo mo makan pisgor atw tahu isi cari jo pa oma sore2

tambah le kita pe baju oma ja cuci akang

deng kalo kita lapar kong malo mo minta nasi pasti oma yang ambe akang

jadi nda mungkin nda mo baku dapa deng oma satu hari itu

apalagi kalo baru mo maso asrama dari liburan pasti oma yang mo baku tolong pasang sprei, bahkan pernah oma da baku tulung bela pa kita

karna ada ade tingkat yang mo ambe kita pe kamar semster lalu

bagitu le kalo so klar semster oma pasti baku tulung manyimpang skalian cuci kita pe coverbad

Yang kita manyasal akang kwa waktu oma masih di rumah sakit kita nda dapa jenguk

bagimana kwa ujian pe banyak skali

padahal amper satu minggu oma da bertahan di rumah skit

ckckckkckck kita masih percaya n nda percaya

oma kan kecelakaan hari selasa pagi minggu lalu

Mar sebelum kecelakaan kita inga skali torang baru mo kaluar asrama mo pi worship pagi seperti biasa oma baru ba datang dari GA da bawa2 tas da isi naskun n pake jaket tebal

kita so bagara cieeeeeee oma eh pake jaket

klar worship kita ba bli naskun pa oma

mar kita nda langsung makan coz manganto skali dari da browsing smape pagi komang jadi kita bo2 ulang eh baru ta dapa slak mo bo2 eh da orang da ba knocking di pintu kamar kong langsung maso, oma katu da antar kita pe orkam pe naskun

kong kita bilang huh oma kurang da ta putar2 rupa ikan hehehhehehe

abis itu oma langsung pi pasr

yach pas depe 10 menit lewat dorang bilang oma da kecelakaan trus depe kepala pica

nda ada fealing bruk atw bagimana2 coz depe anak yang slalu datang ka anex bilang oma so ada kemajuan so lepas tu tabung oksigen kong so dapa bicara

malah te hari sabat lalu oma so manyanyi2 kong lagu yang dia da manyanyi akang lagu "diwaktu ku masih kecil"

mar katu kalo Tuhan so berkehendak sapa te mo blok

mungkin ini yang terbaik for oma deng oma pe anak2

pas 10 hari di rumah sakit jam 9 malam oma so "pigi"

nb: Tuhan slalu turut bekerja untuk mendatang kebaikan bagi stiap orang yang percaya pada nya. Manusia ble berencana tapi Tuhanlah yang menentukan segala sesuatu. Dari oma pe kejadian ini kita ble belajar Torang kasiang di dunia ini pasti akan mati tinggal Waktunya yang berbeda2... mungkin hari ini, besok, lusa,minggu depan, tahun depan, 10 tahun depan entah kapan. Juga nda pandang tua, muda, orang kaya, miskin, mo perempuan, laki2, terserah pa dy

satu yang pasti ketika torang masih ble bangun pagi dengan tubuh yang sehat dan diberkati, masih diberikan kesempatan untuk hidup, isilah dengan hal2 baik, jangan ja tunda2 apa yang ble torang mo beking karena torang nda tau kapan "waktunya"